G‘afur G‘ulom nomidagi nashriyot-matbaa ijodiy uyi O‘zbekiston terma jamoasiga bag‘ishlangan “Bir jamoa — bir orzu” nomli kitobni nashrdan chiqardi. Bu haqda “Sports.uz” xabar bermoqda.
Mazkur kitob 14-mart kuni sotuvga chiqadi. Kitobda O‘zbekiston milliy terma jamoasi tarixi, musobaqalardagi ishtiroki, Jahon chempionatiga saralash bosqichidagi o‘yinlari, tarkibi, rekordchilari, bosh murabbiylari, terma jamoaning yetakchi o‘yinchilari hamda O‘zbekiston milliy terma jamoasining barcha o‘yinlarining statistik ma’lumotlari joy olgan.
15-mart kuni Osiyo Chempionlar Ligasining 3-turidan o‘rin olgan “Bunyodkor” — “Zob Ahan” uchrashuvi oldidan ham “Bunyodkor” stadionida mazkur kitob sotuvi yo‘lga qo‘yiladi. Shuningdek, O‘zbekiston terma jamoasining Filippin va Bahrayn termalariga qarshi o‘yinlarida ham kitoblar sotuvi tashkillashtiriladi.
Ayni paytda, O‘zbekiston chempionati o‘yinlari oldidan ushbu kitob sotuvi yo‘lga qo‘yilishi rejalashtirilmoqda.
Izoh (0)