Madridning “Real” va Italiyaning “Napoli” jamoalarining sobiq ustozi, ispaniyalik mutaxassis Rafael Benites “Nyukasl” klubining yangi bosh murabbiyi etib tayinlandi, deb xabar bermoqda “Uff.uz”.
Benites 11-mart, juma kuni “Nyukasl” rahbariyati tomonidan iste’foga chiqarilgan Stiv Maklarenning o‘rnini egalladi. Avvalroq, ushbu lavozimga “Manchester Yunayted” va “Real Sosyedad”ning sobiq ustozi Devid Moyes hamda “Liverpul”ning sobiq bosh murabbiyi Brendan Rojers nomzodlari ham ko‘rib chiqilgan edi.
Ma’lumot uchun, Angliya chempionati 28-turidan so‘ng “Nyukasl” jamoasi 24 ochko to‘plagan holda, turnir jadvalida 19-o‘rinni egallab turibdi.
Eslatib o‘tamiz, 55 yoshli Benitesning so‘nggi ish joyi Madridning “Real” klubi bo‘lgan. U joriy yilning 5-yanvar kuni Madrid klubi bosh murabbiyligidan ozod etilgan edi.
Izoh (0)