Turkiyaning Eskishehir shahridagi “Esminyaturk” Sazova bog‘ida “Turk dunyosi jamg‘armasi” jamoat tashkiloti tarafidan o‘rnatilgan Mirzo Ulug‘bek madrasasi maketining fotosurati jamg‘armaning Facebook’dagi sahifasida chop etildi. San’at asarining fotosurati birinchi marta ijtimoiy tarmoqlarga joylashtirilishi.
Shu paytgacha bog‘da o‘rnatilgan san’at asarlari bilan internet orqali tanishib bo‘lmas edi. Ammo tashkilot mutasaddilari, qiziquvchilarning bari ham bevosita bog‘ni ziyorat qila olmasligini inobatga olib, ijtimoiy tarmoqlardagi obunachilarini u yerdagi asarlar bilan tanishtirib bormoqda.
Mirzo Ulug‘bek madrasasi atoqli olim va davlat arbobi tarafidan Samarqand shahrida 1417–1420-yillarda qurdirilgan. Keyinchalik mashhur sarkarda Yalangto‘shbiy Bahodir Mirzo Ulug‘bek madrasasi yonida 1619–1636-yillarda Sherdor, 1646–1660-yillarda Tillakori madrasalarini barpo ettirib, Registon ansambliga asos solgan.
Izoh (0)