“Barselona” jamoasi hujumchisi Neymar Ispaniya chempionati doirasida yig‘ilib qolgan sariq kartochkalari tufayli bir o‘yinga diskvalifikatsiya qilindi. 24 yoshli futbolchi diskvalifikatsiyasidan foydalanib, singlisi Rafaella Bekranning tug‘ilgan kunini nishonlash uchun Braziliyaga yo‘l oldi, deb xabar beradi “TASS”.
Braziliyalik futbolchi bunday xatti-harakatni birinchi marta amalga oshirgani yo‘q. O‘tgan yili ham u shu tariqa singlisining tavallud kunini nishonlash uchun Braziliyaga jo‘nab ketgandi. O‘shanda Neymar 8-mart kuni “Rayo Valyekano”ga qarshi o‘yinni o‘tkazib yuborgan.
Ma’lumot uchun, Neymarning singlisi Rafaella Bekran 1996-yilning 11-martida tavallud topgan.
Izoh (0)