Igor Sergeyev 2015-yilgi O‘zbekiston chempionatining eng yaxshi to‘purari bo‘ldi

Toshkentning “Paxtakor” klubi hujumchisi Igor Sergeyev o‘tgan mavsum yakunlariga ko‘ra O‘zbekiston chempionatining eng yaxshi to‘purari bo‘ldi, deb xabar beradi O‘zbekiston futbol federatsiyasi matbuot xizmati.

O‘zbekiston olimpiya (U-23) hamda milliy terma jamoasi hujumchisi to‘purarlar poygasida jami 24 ta gol bilan “Qizilqum” hujumchisi Bahriddin Vahobovni (21 ta gol) ortda qoldirdi.

Qayd etish joiz, Igor Sergeyev o‘tgan mavsum davomida ikki marotaba, iyun hamda oktabr oylarida chempionatning eng yaxshi o‘yinchisi sifatida e’tirof etilgan edi. O‘zbekiston milliy terma jamoasi hujumchisi uchun mazkur sovrin faoliyatida birinchisi bo‘ldi.

O‘zbekiston chempionati–2015 to‘purarlari kuchli uchligi:

1. Igor Sergeyev (“Paxtakor”) – 24 ta gol
2. Bahriddin Vahobov (“Qizilqum”) – 21 ta gol
3. Sanjar Shoahmedov (“Lokomotiv”) – 14 ta gol

• Odil Ahmedov 2015-yilda O‘zbekistonning eng yaxshi futbolchisi deb topildi

• Samvel Babayan O‘zbekistonning 2015-yildagi eng yaxshi murabbiyi deb topildi

• Artur Gevorkyan 2015-yilgi O‘zbekiston chempionatining eng yaxshi futbolchisi deb topildi