“Telba Maks: G‘azab yo‘li” filmi liboslar, ssenografiya va soch turmaklari nominatsiyalari bo‘yicha 2015-yilning eng yaxshi filmi deb topilib, “Oskar” mukofoti bilan taqdirlandi. Bu haqda “RIA Novosti” agentligi xabar bermoqda.
Marosimning dastlabki bir soatida “Telba Maks” uchta statuetka sohibiga aylandi. Kartina o‘nta nominatsiya bo‘yicha mukofotga, xususan, eng yaxshi rejissor va eng yaxshi film yo‘nalishlarida ham g‘oliblikka nomzod sifatida ko‘rsatilgan.
Liboslar uchun mukofot britaniyalik dizayner Jenni Bivenga topshirildi. U o‘ninchi marta “Oskar”ga nomzod qilib ko‘rsatildi va ikkinchi marta g‘alaba qozondi. Ssenografiya uchun Kolin Gibson va Liza Tompson, turmaklar uchun uch kishidan iborat stilistlar jamoasi taqdirlandi.
Izoh (0)