AQSh Kinoakademiyasining “Oskar” mukofotini topshirishga bag‘ishlangan 88-taqdimoti chog‘ida Twitter mikrobloglar xizmatida yangi rekord o‘rnatildi, deb xabar beradi “Interfaks”.
Leonardo Di Kaprio “Omon qolgan” filmidagi ijrosi uchun yilning eng yaxshi aktyori deb topilgani ma’lum bo‘lgach, mikroblogerlar bir daqiqa ichida bu voqeaga bag‘ishlab 440 ming tvit yozib ulgurdi.
Twitter’ning “Oskar” topshirish marosimi bilan bog‘liq avvalgi rekord Elen de Jeneresning selfisi sabab o‘rnatilgan edi – o‘shanda tarmoq foydalanuvchilari bir daqiqa ichida 250 ming tvit qoldirgan edi.
Eslatib o‘tamiz, Di Kaprio “Omon qolgan” filmidagi ijrosi uchun yilning eng yaxshi aktyori deb topilib, faoliyatida birinchi marta “Oskar” haykalchasi bilan taqdirlandi.
Izoh (0)