Rossiyalik marhum siyosatchi Boris Nemsov oilasi advokati Vadim Proxorovning ma’lum qilishicha, Interpol bosh kotibiyati siyosatchining qotilligini tashkil qilganlikda gumonlanayotgan Ruslan Muhiddinovni qidiruvga berdi. Bu haqda “Interfaks” ma’lumotiga tayanib, “Gazeta.ru” yozmoqda.
“Muhiddinovning qidiruv ishlari Interpol tomonidan tashkil etilgani menga ma’lum”, – deb ta’kidladi Proxorov.
Uning uqtirishicha, qidiruv ishlari bilan nafaqat Interpolning Rossiyadagi byurosi, balki Liondagi bosh shtabi ham shug‘ullanmoqda.
“Saytda axborot yo‘q, lekin ma’lumot u yerga joylashtirilishiga harakat qilamiz. Biz Muhiddinov qotillikka bevosita aloqador deb hisoblaymiz, lekin uning rolini oshirib yuborish ham, kamaytirish ham kerak emas. U, aftidan, ijrochi, tashkilotchidir”, – dedi advokat.
Rossiyalik muxolif siyosatchi Boris Nemsov 2015-yilning 27-fevralida Moskva markazida o‘ldirib ketilgan edi.
Izoh (0)