Rossiya tarkibiga kiruvchi Komi Respublikasining Vorkuta shahridagi “Shimoliy” konida avariya sodir bo‘ldi, deya xabar bermoqda Meduza. Natijada ikki konchi halok bo‘ldi.
Huquqni himoya qilish organlaridagi manbasiga tayanib, “TASS” ma’lum qilishicha, qurbonlar jasadlari qutqaruvchilar tomonidan topilgan.
Shuningdek, hodisa natijasida sakkiz kishi jabrlandi, 79 kishi evakuatsiya qilindi.
25-fevral kuni qazilayotgan konga yondosh tog‘ jinsining bir qismi yemirilishi natijasida “Shimoliy” konida o‘pirilish yuz berdi. Turli ma’lumotlarga ko‘ra, avariya chog‘ida yer ostida 105 dan 110 nafargacha odam bo‘lgan. Kon o‘z ishini to‘xtatdi, qutqaruvchilar konchilarni evakuatsiya qila boshladi.
Izoh (0)