Xalqaro fuqarolik aviatsiyasi tashkiloti (ICAO) 22-fevral kuni yo‘lovchi samolyotlarning yuk bo‘lmalarida litiy-ionli akkumulyatorlarni tashishning vaqtinchalik taqiqlanishini e’lon qildi, deb xabar beradi “Vedomosti”.
Yuk samolyotlari bunday akkumulyatorlarni tashishda davom etishi mumkin. Shuningdek, taqiq yo‘lovchilar hamda ekipaj a’zolarining qo‘lidagi elektron uskunalarning batareyalarini qamrab olmaydi.
ICAO mutaxassislarining fikricha, zamonaviy maishiy elektron texnikada qo‘llaniladigan litiy-ionli batareyalar o‘z-o‘zidan o‘t olishi va yong‘in keltirib chiqarishi mumkin. Bu esa parvoz chog‘ida havo transportiga nisbatan jiddiy xatarni keltirib chiqaradi.
Xalqaro tashkilotning cheklov choralari majburiy kuchga ega bo‘lmay, tavsiya xarakteridagi hujjat hisoblanadi. Shunga qaramay, ko‘pchilik davlatlar odatda uning tavsiyalariga amal qiladi.
Izoh (0)