Ramzan Qodirov “RSN” radiostansiyasiga bergan intervyusida Checheniston rahbari bo‘lishni istamasligini tan oldi. Bu haqda “RBK” nashri xabar qilmoqda.
“Qodirov davom ettirishni istaydimi? Istamayman. Hozir iqtisodiy va ijtimoiy nuqtai nazarlardan boshqacha davrdir. Jamoamizda yanada professionalroq odamlar bor. Men o‘z burchimni ado etdim deb o‘ylayman. Bizni yetaklayotgan, tekshirayotgan, ko‘rayotgan, muvozanatga keltirayotgan odamlar – ular kelajakdagi rivojlanish uchun nima kerakligini yaxshiroq biladi. Jamoa bor, mamlakat prezidenti bor. Barchasi Allohning irodasi bilan. Agar xizmatda davom et deyishsa, davom etaman, xayr deyishsa – vidolashaman”, – tushuntirdi Qodirov.
Shuningdek, siyosatchi hozircha saylovoldi kampaniyasi haqida o‘ylamayotganini, otasi, marhum Ahmad Qodirovning jamoasiga rahbarlik qilganidan baxtiyor ekanligini ta’kidladi.
Ramzan Qodirovning Checheniston rahbari sifatidagi vakolat muddati 2016-yilning 5-aprel kuni nihoyasiga yetadi. Fevral oyida Qodirov yangi muddatga saylanishga harakat qilish haqida o‘ylamayotganini qayd etib o‘tgandi.
Izoh (0)