Grozniy (Checheniston)ning “Terek” klubi “Lokomotiv” o‘yinchisi Dmitriy Tarasovni jarima bilan birga sotib olishga yoki klub mablag‘lari hisobidan futbolchining jarimasini to‘lashni taklif qilishga tayyor. Bu haqda Checheniston Respublikasi rahbari, “Terek” faxriy prezidenti Ramzan Qodirov o‘z Instagram’ida ma’lum qildi, deb yozadi “TASS”.
“UEFA hali qaror qabul qilganicha yo‘q, o‘z klubi esa 300 ming yevro jarima solib o‘tiribdi… Dmitriy haqiqiy erkaklarga munosib xatti-harakatni amalga oshirdi, deb qat’iy ishonaman. Shuning uchun ‘Terek’ Rossiyaning bunday vatanparvarini o‘z muammolari bilan yolg‘iz qoldirish kerak emas, deb hisoblaydi. ‘Terek’ o‘yinchini jarima bilan birga sotib olishga tayyor. Agar bu taklif Dmitriy va ‘Lokomotiv’ uchun nomaqbul bo‘lsa, jamoamiz o‘z mablag‘lari hisobidan jarimani yopishi mumkin”, — deb yozdi Qodirov.
Eslatib o‘tamiz, “Fenerbaxche” bilan uchrashuv yakunlangach, Tarasov jamoa futbolkasini yechgan, shunda uning ostida Putinning harbiy libosda tushgan surati hamda “Eng xushmuomala prezident” yozuvi joylashtirilgan boshqa futbolka borligi ma’lum bo‘lgan edi. Keyinroq “Lokomotiv” Dmitriy Tarasovning Putin surati tushirilgan futbolkasini namoyish etishini yo‘l qo‘yib bo‘lmaydigan holat, deb hisoblashini ma’lum qilgan va o‘yinchini 300 ming yevro jarimaga tortgan edi.
Izoh (0)