Google va WhatsApp terrorchi telefoni himoyasini buzishni rad etgan Apple’ni qo‘llab-quvvatladi

Google kompaniyasining vitse-prezidenti Sundar Pichai va WhatsApp kompaniyasi bosh direktori Yan Kum FQBga San-Bernardinodagi terrorchi iPhone’ni himoyasini buzishda yordam berishni rad etgan Apple kompaniyasini qo‘llab-quvvatladi. Bu haqda “RIA Novosti” xabar beradi.

Avvalroq Apple korporatsiyasi shu paytga qadar terrorchilardan biri Said Faruqning mobil uskunasi ma’lumotlariga buzib kira olmayotgan FQB xodimlariga maxsus dasturiy ta’minot taqdim etishi talab qilinganligi haqida ma’lum qilingan edi.

Shundan so‘ng, korporatsiyasi rahbari Tim Kuk jinoyatchining telefon himoyasini buzishda yordam berish borasidagi sud qaroriga rasmiy e’tiroz bildirilishini ta’kidlab o‘tgan edi.

“Biz bu xavfli hodisaning amalga oshishiga yo‘l qo‘ymasligimiz lozim. Bugun bizning mustaqilligimiz va erkinligimiz tahdid ostida qolmoqda”, — deb yozdi Yan Kum Facebook’dagi sahifasida.

Undan keyin  Google kompaniyasining vitse-prezidenti Sundar Pichai ham Apple kompaniyasini qo‘llab-quvvatlab, Tim Kukning bayonotini muhim deb atadi.