O‘tgan oy oxirgi 135 yil ichida eng issiq yanvar bo‘lib, yangi iqlim rekordini o‘rnatdi. Bunda o‘rtacha statistik darajadan 1,13 daraja issiqroq bo‘lganligi qayd etildi. Bu haqda Climate Central loyihasi iqlimshunoslari ma’lumotiga tayanib, “RIA Novosti” xabar beradi.
O‘tgan yil turli tashkilotlar tomonidan berilgan baholar bo‘yicha, kuzatuvlar tarixidagi eng issiq yil bo‘lganligi qayd etilgan edi. Yangi 2016-yil ham shu an’anani davom ettirib, o‘tgan yanvar oyi meteorologik kuzatishlar tarixidagi eng issiq yanvar bo‘ldi. Sayyoraning havo harorati to‘rtinchi oy ketma-ket me’yordan bir darajaga yuqori bo‘lib kelmoqda.
Olimlarning qayd etishicha, havo haroratining o‘zgarmaganligi yoki tushishi faqat Antarktida, Afrika sharqi, Skandinaviya va Sibir janubida kuzatilgan.
Dunyoning boshqa barcha mintaqalarida harorat odatdagidan 1—4 darajaga ko‘tarilgan.
Izoh (0)