“Toshshahartransxizmat” aksiyadorlik kompaniyasi Toshkent shahridagi jamoat transportlariga zamonaviy axborot-kommunikatsiya texnologiyalarini joriy qilish doirasida avtobuslarga Wi-Fi bo‘yicha simsiz internet xizmatini kiritmoqda. Kompaniya matbuot xizmati xabariga ko‘ra, yaqin vaqtlar ichida bu xizmat 51 va 28-raqamli avtobuslarda ham paydo bo‘ladi.
Internet-xizmat mavjud bo‘lgan har bitta avtobus eshiklariga buni bildiruvchi belgilar osib qo‘yiladi. Foydalanuvchilar mobil qurilmalarida tegishli tarmoqni ko‘rishi va unga butunlay bepul ulanishi mumkin. Avtobuslarda Wi-Fi ikkita tarmoqdan iborat bo‘ladi.
Kompaniya internet-xizmatni uzoq masofalarda yuqori tezlikli aloqani ta’minlovchi 4G LTE zamonaviy texnologiyasi asosida taqdim etishni rejalashtirmoqda.
Eslatib o‘tamiz, 3-fevral kuni “Toshkent” vokzalidan “TTZ” bozoriga qadar qatnovchi 14-yo‘nalishdagi avtobuslar Wi-Fi bilan ta’minlangani haqida xabar berilgan edi.
Izoh (0)