Rossiya prezidenti matbuot kotibi Dmitriy Peskov Oq uy matbuot kotibi Josh Ernestning Vladimir Putinga nisbatan korrupsiya bilan bog‘liq ayblovlarini haqoratli deb atadi. Bu haqda Meduza xabar bermoqda.
“Davlat rahbariga qarata aytilgan bunday haqoratlar quruq gap — bu shunchalik ravshanki, to‘g‘risini aytganda, qandaydir tahlilni ham talab qilmaydi”, — dedi Peskov. U Amerika ma’muriyati o‘z fikriga oydinlik kiritishiga umid bildirib qoldi.
Peskovning so‘zlariga ko‘ra, Putin Oq uy tomonidan unga qarata aytilgan ayblovlardan xabardor. Rossiya prezidenti ularni nomunosib va nomaqbul deb hisoblaydi.
Avvalroq AQSh moliya vazirligi vakili Rossiya prezidenti korrupsiyaga aloqadorligini, unda tegishli axborot borligini aytgan edi. Peskov esa AQSh moliya vazirligi vakilining Rossiya prezidenti korrupsiyaga aloqadorligi haqidagi gaplarini uydirma deb atagan edi. Keyinroq AQSh ma’muriyati moliya vazirining Rossiya prezidenti Vladimir Putinning korrupsiyalashganligi haqidagi bayonotini o‘z pozitsiyasini eng yaxshi ifodasi deb hisoblashini ma’lum qilgan edi.
Izoh (0)