“Levada-markaz” so‘rovi ishtirokchilarining qariyb 60 foizi rossiyalik siyosatchilarning tizimdan tashqari muxolifatchilar xalq dushmanlari hisoblanishi haqidagi fikrlarini nomaqbul deb atadi. Bu haqda Meduza xabar bermoqda.
Ushbu so‘rov Checheniston rahbari Ramzan Qodirovga tegishli bo‘ldi va uning Rossiya muxolifatiga qarata aytgan keskin tanqidlaridan so‘ng o‘tkazildi.
So‘rovnomaga Ramzan Qodirovga nisbatan munosabat haqida ham savol kiritildi. Bir yil ichida unga nisbatan hurmat yoki mayl bildiruvchi kishilar soni 35 foizdan 17 foizgacha tushib ketdi. So‘ralganlarning 10 foizi Checheniston rahbariga nisbatan salbiy munosabatda ekanligini bildirgan, o‘tgan yili esa ular 5 foizni tashkil etgan edi.
Eslatib o‘tamiz, 12-yanvar kuni Qodirov jurnalistlar bilan uchrashuvda “tizimdan tashqaridagi muxolifat vakillariga xalq dushmanlari, xoinlar kabi munosabatda bo‘lish”, “bunday kishilarni ularning qo‘poruvchilik faoliyati uchun sud qilish”ga da’vat etgan edi. Huquq muhofazachilari va jamoatchilik arboblari uni ushbu gaplari uchun iste’foga chiqarishini talab qilib, ariza yozdi.
Keyinroq Rossiya prezidenti Vladimir Putin Checheniston yetakchisi Ramzan Qodirov respublikani samarali boshqarayotganini ma’lum qildi.
Izoh (0)