Qozog‘istonlik qutqaruvchilar 26-yanvar, seshanba kuni Olmaota yaqinidagi tog‘lardan polshalik yo‘qolgan sayyohning jasadini topdi. Bu haqda Olmaota favqulodda holatlar departamentining rasmiy vakili Sandugash Boymuhambetova bergan ma’lumotga tayanib, “TASS” xabar beradi.
“Qozog‘iston IIV favqulodda holatlar bo‘yicha qo‘mitasining tezkor qutqaruv otryadi xodimlari tomonidan Talgar darasining chap qiyaligidan polshalik fuqaroning jasadi topildi. Dastlabki ma’lumotlarga qaraganda, o‘lim haddan tashqari sovqotish natijasida yuzaga kelgan”, — deydi u.
24-yanvar kuni “Shimbuloq” tog‘-chang‘i kurorti atrofiga sayohat qilish uchun chiqqan sayyohning yo‘qolganligi haqidagi xabar qutqaruvchilarga 25-yanvar kuni ma’lum qilingan edi. Tog‘ga mustaqil yo‘l olish haqidagi qarorni qabul qilgan sayyoh hech qayerda ro‘yxatdan o‘tmagan va harakatlanish yo‘nalishini muvofiqlashtirmagan.
Izoh (0)