Rossiya prezidenti Vladimir Putinning matbuot kotibi Dmitriy Peskov AQSh moliya vazirligi vakilining Rossiya prezidenti korrupsiyaga aloqadorligi haqidagi gaplarini uydirma deb atadi. Bu haqda “Gazeta.ru” xabar bermoqda.
“Bu savollardan hech biriga javob talab qilinmaydi, chunki ular borib turgan uydirmadir”, — deya ta’kidladi Peskov.
Nashr eslatishicha, avvalroq AQSh moliya vazirligi vakili Adam Shubin BBC’ga tegishli axborotga ega ekanligini ma’lum qilgan edi.
“Biz uning o‘z do‘stlari, yaqin ittifoqdoshlari boyligini oshirayotganini hamda o‘zi do‘st deb hisoblamaydigan va davlat aktivlariga ega bo‘lmagan kishilarning jamiyatdagi o‘rnini yo‘qotayotganini ko‘rdik. Xoh Rossiyaning energetik boyligi bo‘lsin, xoh boshqa davlat shartnomalari bo‘lsin, ularni u o‘ziga xizmat qiladiganlarga berib yuboradi, xizmat qilmaydiganlarni istisno qiladi. Men uchun bu korrupsiya”, — dedi Shubin.
Izoh (0)