Rossiyaning Primorye o‘lkasida joylashgan safari bog‘idagi echki Timur veterinar ko‘rigidan o‘tish uchun yo‘lbars Amurdan vaqtincha ajratib qo‘yildi. Bu haqda bog‘ direktori Dmitriy Mezensev bergan ma’lumotlarga asosan “Interfaks” xabar qilmoqda.
Mezensevning ta’kidlashicha, bog‘ning ichida veterinar ko‘rigi uchun hayvonlar joylashtiriladigan alohida maxsus xona bo‘lib, echki Timur shu yerga o‘tkazilgan. Bu yerda echkining vazni oshib ketiganligi muammosi hal qilinishi, shuningdek, unga burga tushgan-tushmaganligi tekshirilishi kerak.
Bundan tashqari yana bir muammo yuzaga kelgan. Amur va Timurga qo‘shni bo‘lgan katakda Tayga laqabli urg‘ochi yo‘lbars yashaydi va unda ko‘payish belgilari namoyon bo‘la boshlagan.
Ma’lum qilinishicha, bunday vaqtda yo‘lbars Amurning fe’l-atvori o‘zgarishi mumkin va u Timurga nisbatan qanday munosabatda bo‘lishini oldindan taxmin qilish mushkul. Shu sababli, bog‘ xodimlari yuz berishi mumkin bo‘lgan xavfning oldini olishga qaror qildi.
Eslatib o‘tamiz, “Amur va Timur” multfilmi uchun mashhur do‘stlar yashaydigan Primorye safari bog‘ida uchta tanlov boshlanganligi xabar qilingan edi.
Izoh (0)