Shu kunlarda Melburn shahrida “Katta Dubulg‘a” turkumiga kiruvchi Avstraliya Ochiq chempionati bahslari davom etmoqda. 24-yanvardan o‘smirlar o‘rtasidagi musobaqa ham boshlandi. Unda o‘zbekistonlik ikki nafar tennischi ham o‘z imkoniyatlarini sinovdan o‘tkazyapti, deb xabar qiladi “Olamsport”.
Ularning har ikkisi ham asosiy to‘r bahslaridagi ishtirokini g‘alaba bilan boshladi. Humoyun Sultonov ilk davrada britaniyalik Yevan Murni 6:4, 6:2 hisobida taslim etdi. Uning ikkinchi bosqichdagi raqibi musobaqaning birinchi raketkasi vengriyalik Met Valkush bo‘ladi.
Turnirda yettinchi raqam ostida tasniflangan Jo‘rabek Karimov esa AQSh vakili Ezikel Klarkka hech qanday imkoniyat qoldirmadi – 6:1, 6:3. Jo‘rabek ikkinchi bosqichda gonkonglik Entoni Tangga qarshi kortga chiqadi. Jo‘rabek Karimov o‘tgan yilgi Avstraliya Ochiq chempionatida yarim finalga qadar yetib kelgandi.
Izoh (0)