AQShda yuz bergan qor yog‘ini qurbonlari soni 30 kishiga yetdi. Bu haqda Associated Press bergan ma’lumotlarga asoslanib, “RIA Novosti” xabar qilmoqda.
Oldinroq, 25 kishining halok bo‘lganligi xabar qilingan edi.
Delaver shtatida politsiya ofitseri uyining oldidagi qorni tozalagandan keyin bir soat o‘tgach, yurak xurujidan vafot etdi. Xuddi shu yo‘sinda yana ikki kishi qorni tozalayotganda yurak xuruji oqibatida Merilend shtatida halok bo‘ldi. Janubiy Karolinada esa, elektr energiya ta’minotisiz qolgach, generator o‘rnatishga majbur bo‘lgan keksa er-xotin is gazidan zaharlanib vafot etgan.
Ma’lum qilinishicha, ayrim hududlarda 70 santimetrgacha qor tushishiga va 200 mingta uyda elektr energiyasining uzilishiga sababchi bo‘lgan qor yog‘inlaridan keyin kuchli toshqin xavfi yuzaga kelgan.
Izoh (0)