Rossiya prezidenti Vladimir Putin Suriya yetakchisi Bashar Asaddan iste’foga chiqishni so‘radi. Bu haqda, Meduza xabariga ko‘ra, G‘arb mamlakatlari maxsus xizmatlaridagi ikki manbaga asoslanib, The Financial Times xabar bermoqda.
Foto: FT
Nashr suhbatdoshlarining ma’lumotlariga ko‘ra, Putinning iltimosini yetkazish uchun Rossiya Bosh razvedka boshqarmasi (BRB) boshlig‘i Igor Sergun Damashqda bo‘lgan. FT’ning qayd etishicha, Sergun o‘limidan bir necha kun avval, 3-yanvar kuni Suriya poytaxtiga borgan edi.
Asad Suriya prezidenti o‘rnini tark etish taklifiga qat’iy rad javobini bergan.
“Manbaning so‘zlariga ko‘ra, Asad Sergunga, agar u prezidentlikdan ketadigan bo‘lsa, Suriyada Rossiyaning kelajagi yo‘qligini tushuntirishga harakat qilgan”, — deyiladi FT xabarida.
Izoh (0)