O‘zbekiston hududida 2016-yilning dastlabki ikki haftasi davomida intensivligi 2 balldan yuqori bo‘lgan kamida olti zilzila sezildi. So‘nggi yillar uchun noodatiy hisoblangan bunday seysmik faollik sabablari va oqibatlari yuzasidan “Daryo” internet-nashri O‘zbekiston Fanlar akademiyasi Seysmologiya institutiga murojaat qildi.
Institut direktori Sabriddin Husamiddinovning “Daryo”ga ma’lum qilishicha, Markaziy Osiyo, xususan, O‘zbekiston hududi tektonik jihatdan Osiyo—O‘rtayer dengizi seysmik kamarining markaziy qismida joylashgan.
“Mazkur kamar hozirgi vaqtda faollashuv bosqichida bo‘lib, taxminlarga ko‘ra, faollik 2018-yilga qadar davom etadi”, — deydi Sabriddin Husamiddinov.
Institut mutaxassislarining qayd etishicha, Osiyo—O‘rtayer dengizi kamarining avvalgi faollashuvi 1971—1988-yillarda kuzatilgan.
Izoh (0)