Kataloniya hukumati viloyatning Ispaniya tarkibidan chiqishini bir tomonlama tartibda e’lon qilmaydi. Bu haqda avtonom viloyatning yangi raisi Karles Puchdemon ma’lum qildi, deb xabar beradi “TASS”.
“Bizning saylovoldi va’damiz mustaqillikni bir tomonlama e’lon qilish bo‘lmagan”, — dedi Kataloniya rahbari 14-yanvar, payshanba kuni TV-3 telekanaliga bergan intervyusida.
Shu bilan birga Puchdemon hozirgi paytda uning maqsadi viloyat konstitutsiyasiga o‘zgartirish kiritishdan iboratligini aytib o‘tdi.
Bundan tashqari, Kataloniya rahbarining ta’kidlashicha, 2015-yilning 27-sentabr kungi saylov natijalariga ko‘ra separatistlar partiyasini qo‘llab-quvvatlab 47,8 foiz ovoz berilishi mustaqillikka erishish jarayonini boshlashga imkon beradi.
Izoh (0)