Indoneziya prezidenti Joko Vidodo 14-yanvar, payshanba kuni poytaxt Jakartada sodir etilgan portlashlarni terakt deb atadi. Bu haqda “RIA Novosti” xabar bermoqda.
“Bizning millatimiz va xalqimiz qo‘rqmasligi kerak, terrorchilik harakatlari bizni yenga olmaydi, umid qilamanki, jamiyat osoyishtaligini saqlaydi. Barchamiz hodisa natijasida halok bo‘lganlar uchun ta’ziya bildiramiz, biroq, shu bilan birga, xavfsizlik va tinchligimizni buzib, odamlar orasiga qo‘rquv urug‘ini sochganlarni qoralaymiz”, — dedi Vidodo.
Avvalroq shaharda oltitagacha portlash qayd etilgani, ulardan biri savdo markazi, boshqasi Starbucks kafesi yaqinida sodir bo‘lgani xabar berilgan edi. Keyinroq yana bir portlash yuz berdi.
Jakarta markazida sodir etilgan ketma-ket portlashlar natijasida olti kishi halok bo‘ldi, ulardan biri politsiya ofitseridir.
Izoh (0)