Istanbulning markaziy qismida yuz bergan portlashda 10 kishi halok bo‘ldi

Istanbul markazidagi Sultonahmet maydoni hududida kuchli portlash sodir bo‘ldi. Shahar ma’muriyatining xabar qilishicha, o‘n kishi halok bo‘lgan, 15 kishi yaralangan. Bu haqda NTV telekanali ma’lumotiga tayanib, “RIA Novosti” xabar beradi.

Portlash epimarkazi tramvay bekati yaqinida bo‘ldi. Portlash sabablari hozircha noma’lum.

Taxminlarning biriga ko‘ra, portlash xudkush terrorchi tomonidan amalga oshirilgan bo‘lishi mumkin. Mahalliy OAVning ma’lum qilishicha, jabrlanganlar orasida germaniyalik sayyohlar bor.

Hodisa joyiga ko‘plab tez yordam mashinalari yetib kelgan. Sultonahmet maydoni politsiya tomonidan qurshab olingan. Portlovchi qurilmalarni zararsizlantiruvchi mutaxassislar ham voqea joyiga yetib kelgan.

https://www.youtube.com/watch?v=WKqsymCTPyU