2015-yilning dekabr oyida Xitoyning valyuta zaxiralari rekord miqdorda 107,9 milliard dollarga kamaydi. Endilikda valyuta zaxirasida 3,33 trillion dollar qolmoqda. Bu haqda Xitoy xalq bankiga tayanib, “Vedomosti” xabar qilmoqda.
O‘tgan yilning noyabr oyida bu ko‘rsatkich 87,2 milliard dollarga pasayib, zaxiradagi pul miqdori 3,438 trillion dollarni tashkil qilgandi. Xitoyning Xalqaro valyuta jamg‘armasidagi zaxiralari hajmi 4,596 milliard dollardan 4,547 milliard dollarga tushdi.
7-yanvar kuni Xitoy xalq banki yuanning dollarga nisbatan kursini 0,51 foizga pasaytirdi va 1 dollar 6,5646 yuanga teng bo‘ldi. Shundan keyin Xitoydagi fond birjalarida asosiy indekslar savdolarning dastlabki yarim soatida 7 foizga tushib ketdi va savdolar kun oxirigacha to‘xtatildi.
Izoh (0)