Agar AQSh Eronga qarshi yangi sanksiyalar kiritsa, u parvoz masofasi 5000 kilometrdan ortiq bo‘lgan raketalar ishlab chiqadi. Bu haqda mamlakatdagi rahbar organlardan biri — Qabul qilinayotgan qarorlarning maqsadga muvofiqligi bo‘yicha kengash kotibi Muhsin Rizoiyning Eron prezidenti Hasan Ruhoniyga yo‘llagan maktubida aytiladi, deb yozadi “TASS”.
“Eron o‘z yadro dasturi bo‘yicha muzokaralarda kelishuvga erishish va Eronning uranni boyitishga bo‘lgan qonuniy huquqini e’tirof ettirish uchun minglab sentrifugalarini qurbon qildi. Biroq AQSh Eronga nisbatan yangi sanksiyalar joriy qilib, Islom Respublikasiga tarsaki bilan javob qildi. Umid qilamanki, sizning ko‘magingiz bilan tez orada Eron raketalari 5 ming kilometrdan ko‘proq masofaga parvoz qiladi”, — deyiladi Rizoiyning xatida.
30-dekabr kuni The Wall Street Journal Vashington tez orada Eron, BAA va Gonkongda Eron raketa dasturi uchun mas’ul tuzilmalarga aloqadorlikda gumon qilinayotgan kamida o‘n nafar jismoniy va yuridik shaxslarga nisbatan sanksiyalar kiritish niyatida ekanligini ma’lum qilgan edi.
Izoh (0)