O‘tayotgan yilda dunyoda o‘z kasbiy faoliyati tufayli 67 nafar jurnalist halok bo‘ldi, bu 2014-yildagidan bir kishiga ko‘pdir, deb yozadi “TASS” “Chegara bilmas muxbirlar” xalqaro huquqni himoya qilish tashkiloti ma’ruzasiga tayanib.
Jurnalistlar uchun eng xatarli mamlakat ketma-ket uchinchi yil Suriya bo‘lib qolmoqda. Ushbu mamlakat hududida faoliyat yurituvchi IShID guruhi shu yil o‘ldirilgan jurnalistlarning 40 foizi halokatiga sabab bo‘lgan.
Shuningdek, OAVlar xodimlari uchun eng xavfli bo‘lgan mamlakatlar ro‘yxatidan Iroq, Braziliya, Bangladesh, Janubiy Sudan va Yaman o‘rin oldi. Bu mamlakatlarning har birida besh nafardan jurnalist o‘ldirilgan.
Ro‘yxatga birinchi marta Fransiya kiritildi, u yerda yil boshida Charlie Hebdo gazetasi tahririyatiga uyushtirilgan hujumlar natijasida ushbu nashrning 10 ishchisi halok bo‘lgan.
Izoh (0)