O‘zbekiston olimpiya terma jamoasi BAAdagi yig‘in doirasidagi dastlabki o‘rtoqlik uchrashuvini o‘tkazdi. O‘zbekistonlik olimpiyachilarning Dubay shahrida o‘tkazilgan ilk uchrashuvi KXDR olimpiyachilariga qarshi kechdi. Unda Samvel Babayan boshchiligidagi jamoa 4:2 hisobida zafar quchdi, deb xabar beradi “Olamsport”.
O‘zbekiston olimpiya terma jamoasi safida Igor Sergeyev ikkita to‘p kiritib, dublga erishgan bo‘lsa, qolgan ikki gol Husniddin G‘ofurov va Ikrom Aliboyev hisobiga yozildi.
Eslatib o‘tamiz, O‘zbekiston olimpiya terma jamoasi 28-dekabrgacha Dubayda yig‘in o‘tkazadi. Ushbu yig‘indan yana ikkita o‘rtoqlik o‘yini o‘rin olgan. 23-dekabrda Suriya, 27-dekabr kuni esa Qatar olimpiya terma jamoalari bilan o‘yinlar bo‘lib o‘tadi.
Izoh (0)