Primoryening safari bog‘ida do‘stlashib qolgan echki Timur va yo‘lbars Amurning xulqi keyingi vaqtlarda biroz o‘zgarib, birgalikda kam vaqt o‘tkazadigan bo‘ldi. Bu haqda “Interfaks” xabar qilmoqda.
“Keyingi kunlarda ularning yurish-turishi o‘zgardi. Ular kun davomida birgalikda sayr qilmayapti. Lekin ertalabdan, zerikkandan keyin, bir-biri bilan uchrashganiga xursand bo‘ladi. Timur sakrab yugurib yo‘lbarsning oldiga keladi. Shuningdek, Timur ilgarigidek doim Amurning orqasidan dum bo‘lib yurmay qo‘ydi”, ― dedi safari bog‘ining direktori Dmitriy Mezensev.
Tushlik qilish uchun Amurga tirik o‘lja, shu jumladan, haftasiga ikki marotaba quyon berilayapti. Endilikda yo‘lbars echki bilan boqilmayapti. Mutaxassislarning fikricha, yirtqichning ovqatlanish rejimini shu tartibda saqlab qolish kerak.
Eslatib o‘tamiz, mashhur bo‘lib ketgan do‘stlar – yo‘lbars Amur va echki Timurning ijtimoiy tarmoqlardagi shaxsiy sahifalari, internet-do‘koni va alohida latifalar sahifasi ochilgan edi.
Izoh (0)