AQSh boshchiligidagi xalqaro koalitsiya yanglishib Iroq hukumat kuchlari marralariga zarba berdi. Bu haqda Pentagon tomonidan tarqatilgan bayonotda ma’lum qilingan, deya xabar beradi Meduza.
“Dastlabki tekshiruvlar koalitsiya aviazarbalaridan biri Iroq harbiy xizmatchilari halok bo‘lishi yoki jarohatlanishiga olib kelgan bo‘lishi mumkinligini ko‘rsatdi”, — deyiladi mazkur bayonotda.
Iroq mudofaa vazirligining ma’lum qilishicha, koalitsiyadan Falluja hududida IShID jangarilariga qarshi jang olib borayotgan iroqlik harbiylarga havodan yordam ko‘rsatish so‘ralgan. Koalitsiya zarbalaridan biri hukumat qo‘shinlari harakatlanishini hisobga olmagan holda berilgan. Buning oqibatida Iroq armiyasi zobiti va to‘qqiz nafar askar nobud bo‘lgani (yoki jarohatlangani) bildirilmoqda.
Izoh (0)