Ukraina ichki ishlar vaziri Arsen Avakov Milliy islohot qo‘mitasi yig‘ilishi davomida yuzaga kelgan mojaroda Odessa viloyati ma’muriyati rahbari Mixail Saakashvilining yuziga suv sepib yuborganligini ma’lum qildi. Bu haqda “Segodnya.ua” xabar beradi.
“Milliy islohot qo‘mitasi yig‘ilishida janob Saakashvili Odessa portbo‘yi zavodi masalasida nima uchun rus oligarxi bilan muloqot qilganligi va bu zavodni xususiylashtirish jarayoniga qanday bog‘liqligi haqidagi savolimga javoban o‘zini boshqara olmay qoldi. Odessa gubernatori ‘Hech kim Mixail Saakashvili bilan bu tarzda gaplashish huquqiga ega emas … sen poraxo‘r vazirsan … men halol odamman…’, deb baqirib ketdi va haqorat qila boshladi. Men uni urib yubormaslik uchun yuziga suv sepib yubordim”, — deb yozdi Avakov Facebook’dagi sahifasida.
Ukraina IIV rahbarining so‘zlariga qaraganda, Odessa rahbari barchaga, jumladan prezidentga ham biror narsa deyish uchun imkon bermagan.
Izoh (0)