Iordan daryosining g‘arbiy sohilida yashovchi kishi Isroil askarlari bilan 26-noyabr, payshanba kuni yuzaga kelgan to‘qnashuv natijasida halok bo‘ldi va bu bilan mojaroning so‘nggi ikki oy davomida avj olishi natijasida yuzinchi falastinlik qurbonga aylandi. Bu haqda Falastin Sog‘liqni saqlash vazirligi ma’lum qildi, deb xabar beradi “RIA Novosti”.
Isroil harbiylari tomonidan Quddus yaqinidagi Katanna qishlog‘ida olib borilgan harbiy harakatlar natijasida to‘qnashuvlar yuzaga kelib, buning oqibatida 21 yoshli falastinlik o‘ldirildi.
“Uning o‘limi bilan o‘ldirilgan falastinliklar soni yuz kishiga yetdi”, ― deb xabar beradi Falastin Sog‘liqni saqlash vazirligi. Idora taqdim etgan manbalarga ko‘ra, halok bo‘lganlar ichida G‘arbiy sohil falastinliklaridan tashqari, G‘azo sektoridan 18 nafar kishi va bir nafar arab millatiga mansub Isroil fuqarosi ham bor.
Isroil armiyasi matbuot xizmatining xabar berishicha, Katanna besh nafar terroristik harakatlarda gumon qilingan kishi qo‘lga olingan, qurol-yarog‘ musodara qilingan. Ushbu reyd natijasida mahalliy aholi bilan to‘qnashuvlar yuzaga kelib, to‘qnashuvlar davomida harbiylar norozilikni keltirib chiqarganlarga qarata o‘t ochgan.
Bir necha soatdan so‘ng, G‘arbiy sohildagi isroillik chegarachilar pichoq bilan hamla qilmoqchi bo‘lgan falastinlikka qarata o‘t ochgan. Harbiylar va politsiya hujumchining ahvoli haqida xabar bermagan. Falastinning “Maan” agentligi manbalariga ko‘ra, u halok bo‘lgan.
Izoh (0)