Falastinlik Iordan daryosining G‘arbiy qirg‘og‘ida ikki nafar isroillik harbiy xizmatchini urib yubordi. Unga javoban o‘t ochilishi oqibatida zararsizlantirildi. Bu haqda “RIA Novosti” armiya va politsiya vakillari ma’lumotiga tayanib xabar beradi.
Isroil huquqni muhofaza qilish organlari hodisani terakt sifatida baholadi.
“Ikki askar Quddusdagi avtobus bekatida avtomobil bilan urib yuborilishi natijasida yaralandi. Bosqinchi qo‘shimcha ziyon yetkazishga ulgurmasdan otib tashlandi”, — deyiladi armiya matbuot xizmati xabarida.
Jabrlangan isroilliklardan biri yengil jarohat olgan, ikkinchisi o‘rtacha og‘ir ahvolda shifoxonaga yotqizilgan. Isroillik harbiylar falastinlik haydovchining ahvoliga aniqlik kiritmagan. Biroq bir qator mahalliy OAVlarning ma’lum qilishicha, falastinlik haydovchi halok bo‘lgan.
Izoh (0)