O‘zbekistonlik tennischi Vlada Yakshibarova Isroilning Tel-Aviv shahrida o‘tkazilayotgan turnirdagi ishtirokini muvaffaqiyatli davom ettirmoqda, deb xabar beradi “Olamsport”.
Mukofot jamg‘armasi 10 ming AQSh dollarini tashkil etuvchi ushbu musobaqada Vlada oltinchi raqam ostida tasniflangan.
Vlada yakkalik bahslarining ilk bosqichida ukrainalik Veronika Stotikani 6:2, 6:7(9), 6:1 hisobida mag‘lub etgandi. Kecha, 25-noyabr kuni Yakshibarova ikkinchi davrada moldovalik Yuliya Xelbetdan 6:4, 6:1 hisobida ustun keldi. Yakshibarova chorak finalda turnirning birinchi raketkasi chexiyalik Barbora Stefkovaga qarshi kortga chiqadi.
Vlada juftliklar musobaqasida rossiyalik Olga Doroshina bilan birga birinchi raqamli juftlikni hosil qilgan. Ular ilk bosqichda rossiyalik tennischilar – Sofiya Salimova va Sofiya Vaynberg hamkorligini 6:1, 6:3 hisobida mag‘lub etdi.
“Olamsport”ning yozishicha, endi Vlada va Olga chorak finalda ruminiyalik Yelena-Teodora Kadar hamda moldovalik Yuliya Xelbetga qarshi kortga chiqadi.
Izoh (0)