Tunis poytaxtida 24-noyabr kuni yuz bergan terrorchilik harakati qurbonlari soni 25-noyabr, chorshanba kuni 13 kishiga yetdi. Bu haqda “TASS” xabar beradi.
Terakt oqibatida 20 kishi yaralangan edi, ulardan uch nafari og‘ir ahvolda.
Halok bo‘lganlarning 12 nafari prezidentni qo‘riqlovchi xodim edi, o‘n uchinchi qurbonning shaxsi aniqlanmoqda.
Tunis Sog‘liqni saqlash vazirligining ma’lum qilishicha, 20 nafar yaralanganning 14 nafari tinch aholi vakili bo‘lgan.
Eslatib o‘tamiz, 24-noyabr, seshanba kuni prezidentning qo‘riqchilari ketayotgan avtobusning portlatib yuborilishi munosabati bilan Tunisda 30 kun muddatga favqulodda holat joriy etildi.
Izoh (0)