2018-yilgi Jahon chempionati ikkinchi saralash bosqichi doirasidagi O‘zbekiston – KXDR o‘yini uchun chiptalar 6-noyabr, soat 14:00 dan boshlab sotuvga chiqarildi. Bu haqda O‘zbekiston futbol federatsiyasi matbuot xizmati xabar berdi.
Barcha sektorlar uchun chiptalar narxi 15 ming so‘m qilib belgilangan. Faqatgina SIP toifali chiptalar narxi 30 ming so‘m. Barcha chiptalar “Paxtakor” stadioni kassalarida sotilmoqda.
O‘zbekiston milliy terma jamoasi 2018-yilgi Jahon chempionati ikkinchi saralash bosqichi doirasida 12-noyabr kuni KXDR terma jamoasiga qarshi maydonga tushadi. Ushbu uchrashuv Toshkentdagi “Paxtakor” markaziy stadionida bo‘lib o‘tadi. O‘yin 18:00 da boshlanadi. O‘yinni Alirizo Fag‘oniy boshchiligidagi eronlik hakamlar jamoasi boshqarib boradi.
Eslatib o‘tamiz, ayni vaqtda “H” guruhida KXDR terma jamoasi 5 ta o‘yinda 13 ochko to‘plagan holda peshqadam bo‘lib turibdi. O‘zbekiston esa guruhdagi raqiblaridan bir o‘yin kam o‘tkazgan holda 9 ochko bilan ikkinchi o‘rinni egallab turibdi.
Izoh (0)