AQSh rasmiylari Volkswagen konserni dizel dvigatelli 10 mingga yaqin avtomobillarning zararli tashlanmalariga oid testlarni yana soxtalashtirganlikda aybladi. Bu haqda Associated Press manbalariga tayanib, “Gazeta.ru” xabar bermoqda.
AQSh atrof-muhit muhofazasi agentligi (EPA) va Kaliforniya havo resurslari kengashi 2014—2016-yillar modellar qatoriga mansub Volkswagen, Audi va Porsche mashinalarini testdan o‘tkazish chog‘ida ko‘rsatilgan zararli tashlanmalar hajmi mazkur transport vositalaridan foydalanish paytida qayd etilganidan kam bo‘lganini aniqladi.
Ma’lum bo‘lishicha, tekshiruvdan o‘tkazilgan avtomobillardagi CO2 hajmi EPA standartlarida ko‘zda tutilganidan 9 karra ortiq bo‘lgan.
Eslatib o‘tamiz, “dizelli mojaro” tufayli Volkswagen avtokonserni so‘nggi 15 yilda birinchi marta chorakni zarar bilan yopgan: 2015-yilning uchinchi choragi yakuni bo‘yicha ko‘rilgan zarar miqdori 3, 48 milliard yevroni tashkil etdi.
Izoh (0)