Rossiya prezidenti Vladimir Putin o‘zining argentinalik hamkasbi Kristina Fernandes de Kirshnerning Buenos-Ayres gubernatorligi uchun saylovoldi aksiyasidagi raqsini maqtadi. Ikkala rahbarning suhbati “Rossiya 24” telekanali orqali namoyish etildi.
“Siz siyosiy landshaftni bezadingiz. Siz raqsni juda nafis va o‘ylashimcha, mutlaqo Argentina uslubida taqdim etdingiz”, — deb ta’kidladi Putin.
Ikki mamlakat o‘rtasida diplomatik aloqalar o‘rnatilganligining 130 yilligiga bag‘ishlangan videokonferensiya davomida rahbarlar savdo-iqtisodiy hamkorlik va energetika sohasidagi muvaffaqiyatlarni 15 daqiqa muhokama qildi.
Eslatib o‘tamiz, Argentina prezidenti Kristina Fernandes de Kirshnerning miting vaqtidagi kutilmagan raqsi internet-sensatsiyaga aylangan edi.
Izoh (0)