Rossiyaning Krasnogorsk shahrida mansabdor shaxslarni o‘ldirishda gumon qilinayotgan tadbirkor Amiran Georgadzening uyidan bir kishining jasadi topildi. Bu uning to‘rtinchi qurboni ekanligi taxmin qilinmoqda, deb xabar beradi “Gazeta.ru”.
“Georgadzening uyidan jasad topildi, bu krasnogorsklik tadbirkorning to‘rtinchi qurboni deb taxmin qilinmoqda”, — dedi Rossiya IIV rasmiy vakili Yelena Alekseyeva.
Eslatib o‘tamiz, Krasnogorsk shahrida 19-oktabr kuni sodir bo‘lgan otishmada ma’muriyat rahbarining birinchi o‘rinbosari Yuriy Karaulov va Krasnogorsk elektr tarmoqlari boshlig‘i Georgiy Kotlyarenko qurbon bo‘lgan. Keyinroq ma’lum bo‘lishicha, gumonlanuvchi yashirinishga urinayotganda yana bir mahalliy fuqaroni o‘ldirgan.
Izoh (0)