Poroshenko Niderlandiya bosh vaziri bilan “Boing” halokati aybdorlariga beriladigan jazoni muhokama qildi

Ukraina prezidenti Pyotr Poroshenko Niderlandiya bosh vaziri Mark Ryutte bilan telefon orqali suhbatlashib, “Boing” halokati aybdorlarini jazoga tortish bo‘yicha choralarni kelishib oldi, deb yozadi “Korrespondent.net”.

Tomonlar MH17’ni urib tushirishda aybdorlarni javobgarlikka tortish mexanizmi bo‘yicha yakuniy qaror Ukraina, Niderlandiya, Avstraliya, Malayziya va Belgiya ishtirokidagi umumiy guruh olib borayotgan jinoiy tergov natijalarini hisobga olgan holda qabul qilinishiga kelishdi.

Nashr eslatishicha, 13-oktabr kuni Niderlandiya xavfsizlik kengashi “Boing-777” halokati bo‘yicha yakuniy ma’ruzani e’lon qilishi kutilayotgan edi.

Eslatib o‘tamiz, “Boing-777” samolyoti Donbassda 2014-yilning 17-iyulida qulab tushgan edi. Halokat oqibatida 298 kishi qurbon bo‘lgan.