Afg‘onistondagi “Chegara bilmas shifokorlar”ning kasalxonasiga bo‘lgan hujum qurbonlari soni 9 nafarga yetdi

Afg‘onistonning Qunduz shahridagi “Chegara bilmas shifokorlar”ning kasalxonasiga bo‘lgan hujum qurbonlari soni 9 nafarga yetdi. Bu haqda tashkilot ma’lumotiga asoslanib, “TASS” xabar bermoqda.

NATO qo‘shinlari vakilining ta’kidlashicha, kasalxonaga qilingan hujum Qunduz shahrida AQSh Harbiy-havo kuchlarining olib borayotgan aviahujumlari natijasi bo‘lishi mumkin. Uning so‘zlariga qaraganda, AQSh HHK shaharga 3-oktabr, shanba kuni tongda aviazarba bergan.

Eslatib o‘tamiz, avvalroq Afg‘onistonning Qunduz shahridagi “Chegara bilmas shifokorlar” kasalxonasiga qurolli hujum oqibatida 3 kishi halok bo‘lgani va 30 nafardan ortiq kishi esa bedarak yo‘qolgani xabar qilingan edi.