Moldova prezidenti Nikolay Timofti namoyishchilar talabini qondirish va iste’fo berish niyatida emas. Bu haqda prezidentning matbuot kotibi Vlad Surkanu ma’lum qilgan, deya xabar bermoqda Interfax.
“Prezidentga namoyishchilarning talablari yetkazildi. U mazkur hodisalar va boshqa noroziliklar yuzasidan o‘z nuqtai nazarini bildiradi”, — deya ta’kidlagan Surkanu.
Mamlakat rahbariyatining iste’fo berishi, muddatidan oldin parlament hamda prezidentlik saylovlarini o‘tkazish to‘g‘risidagi talab “Bizning partiya” va Sotsialistlar partiyasi tomonidan 27-sentabr, yakshanba kuni o‘tkazilgan miting chog‘ida bildirilgan.
Tashkilotchilar mitingda 30 mingdan 50 minggacha bo‘lgan odam ishtirok etganini ta’kidlamoqda. Politsiya esa namoyishchilar soni 15 mingdan oshmaganini ma’lum qildi.
Izoh (0)