Ukraina prezidenti Pyotr Poroshenko BMT Bosh Assambleyasining 70-sessiyasi doirasidagi tadbirlarda ishtirok etish uchun Nyu-Yorkka yetib keldi. Bu haqda, Ukraina prezidenti matbuot xizmatiga asoslanib, “Korrespondent.net” xabar bermoqda.
Qayd etishlaricha, BMT Bosh Assambleyasi umumiy debatlari doirasidagi Poroshenkoning nutqi 29-sentabr, seshanba kuniga mo‘ljallangan. Shuningdek, Poroshenko Barqaror rivojlanish maqsadlari bo‘yicha, Tinchlikni ta’minlash masalalari bo‘yicha, IShID va zo‘ravonlikka asoslangan ekstremizmga qarshi kurash masalalari bo‘yicha sammitlarda, “Klinton fondi” konferensiyasida ishtirok etishi ko‘zda tutilgan.
Bundan tashqari, Ukraina davlat rahbari Donetsk viloyatida qulagan Malaysia Airlines samolyoti halokatini tergov qiluvchi qo‘shma guruhga kiruvchi mamlakatlarning delegatsiya rahbarlari, Atlantika kengashidagi ekspert va siyosiy arboblar va Amerika ishbilarmon doira vakillari bilan uchrashuvlar o‘tkazishi rejalashtirilgan. O‘z navbatida, turli mamlakatlarning davlat va hukumat rahbarlari hamda AQShdagi ukrain hamjamiyati vakillari bilan muloqotlar tashkil etiladi.
Izoh (0)