Ukraina Vazirlar Mahkamasi Rossiyaning “Transaero” va “Aeroflot” aviakompaniyalari samolyotlarining Ukrainaga parvozlarini taqiqlash haqida qaror qabul qildi. Meduza’ning qayd etishicha, harbiy yuk olib ketayotgan yoki ikkilamchi maqsadlardagi Rossiya havo kemalarining Ukraina ustidan tranzit parvozlari ham taqiqlangan.
Ukraina bosh vaziri Arseniy Yatsenyukning so‘zlariga ko‘ra, mazkur qaror sentabr oyi boshida Ukraina Milliy xavfsizlik va mudofaa kengashi tomonidan joriy etilgan sanksiyalarga muvofiq qabul qilingan.
Yatsenyukning qayd etishicha, sanksiyalar Ukraina davlat organlarida Rossiyada ishlab chiqarilgan dasturiy ta’minotlardan foydalanishni ham taqiqlaydi. “Bunda gap birinchi galda ‘Kasperskiy antivirusi’ haqida bormoqda”, — dedi Yatsenyuk.
Izoh (0)