Burkina-Fasodagi isyonchilar 22-sentabr, seshanba kuni garovda saqlanayotgan mamlakat bosh vaziri Isaak Zidani ozodlikka chiqardi. Bu haqda “Korrespondent.net” xabar bermoqda.
16-sentabrdan buyon prezident saroyida tutqunlikda saqlab kelingan bosh vazirga seshanba kuni o‘z qarorgohiga qaytish uchun ruxsat berilgan.
22-sentabr kuni tongda isyonchilar bilan kapitulyatsiya haqida muzokaralar olib borish maqsadida muntazam armiya bo‘linmalari mamlakat poytaxti Uagaduguga kirgan edi.
Bundan avvalroq Burkina-Fasodagi harbiy to‘ntarish tashkilotchisi, general Jilber Dyendere millatga murojaat bilan chiqib, hamyurtlaridan uzr so‘ragan va qon to‘kilishining oldini olishni xohlaganini aytib o‘tgandi. Shuningdek, u saylovlardan so‘ng hokimiyatni topshirishga tayyorligini ta’kidlagandi.
Fransiyaning Burkina-Fasodagi elchisi 17-sentabr kuni o‘z qo‘riqchilari tomonidan hokimiyatdan chetlatilgan muvaqqat prezident Mishel Kafando elchixona hududida istiqomat qilayotganini ma’lum qilgan.
Izoh (0)