Tojikiston huquqni muhofaza qilish idoralari xodimlari mamlakat mudofaa vaziri sobiq o‘rinbosari Abduhalim Nazarzodaning qolgan tarafdorlarini qurshovga oldi. Bu haqda “Gazeta.ru” xabar bermoqda.
Ramit darasidagi maxsus operatsiya o‘tkazilayotgan hududga Mudofaa vazirligining harbiy vertolyotlari va qo‘shimcha harbiy bo‘linmalar yuborilgan.
Operatsiya shtabidan ma’lum qilishlaricha, darada Nazarzodaning bir necha tarafdori qolgan, xolos.
Avvalroq Tojikistonda 4-sentabrdan — Dushanbe va Vahdatdagi hujumlar ketma-ketligi yuz berganidan beri, mudofaa vazirining sobiq o‘rinbosari Nazarzodaning 100 dan ortiq tarafdorlari hibsga olingani, 20 kishi yo‘q qilingani haqida xabar berilgan edi.
Izoh (0)