Twitter ijtimoiy tarmog‘ining o‘zbekistonlik foydalanuvchilari #uzb24 xeshtegini jahon trendida birinchi o‘ringa olib chiqdi. Ushbu holat aks etgan skrinshotlar foydalanuvchilar tomonidan tarmoqqa chiqarilgan.
https://twitter.com/Usmon_IX/status/637146213565927424
Xeshteg jahon trendiga chiqqan, jumladan, ma’lum vaqt davomida jahon trendida birinchi o‘rinda ham turgan.
O‘zbekiston mustaqilligining 24 yilligiga bag‘ishlangan ijtimoiy aksiya doirasida ushbu xeshtegni trendga chiqarish bo‘yicha harakat 28-avgust kuni soat 16:00 dan boshlanishi rejalashtirilayotgan edi.
#uzb24 xeshtegi trendga chiqishi uchun Twitter foydalanuvchilari o‘z tvitlariga ushbu xeshtegni qo‘shib yozishi kerak. Xeshteg foydalanuvchilar tomonidan qancha ko‘p tvitlarda ishlatilsa – uning trendda ko‘rinishi imkoniyati shuncha oshadi.
Eslatib o‘tamiz, o‘zbekistonlik Twitter foydalanuvchilari o‘tgan yillarda ham Mustaqillik bayrami arafasida shunday xeshteglarni trendga chiqargan.
Izoh (0)